"Бишкек башкы архитектура" муниципалдык ишканасынын адистери борбор калаанын чет жактарын (Ала-Арча суусу, Аламүдүн суусу, ЧЧК, Түштүк Чоң-Чүй каналдары) өнүктүрүүнүн эскиздик концепциясын иштеп чыгышты. Бул тууралуу муниципалитеттен билдиришти.

Маалыматка ылайык, концепцияда Ала-Арча жана Аламүдүн сууларынын жээктери аркылуу Боз-Бөлтөк жана Ала-Арча суу сактагычынын шаар четиндеги ири эс алуу аймактарын бириктирүү каралган.

"Шаардын суу жээктери жарандардын ыңгайлуулугун, жеткиликтүүлүгүн жана коопсуздугун камсыз кылуу үчүн ландшафттар, архитектуралык-табигый элементтерин жана ыңгайлуу шарттарды түзүү үчүн маанилүү", — деп айтылат маалыматта.

Бишкектеги суу жээктерин комплекстүү жакшыртуу уникалдуу рекреациялык аймактарды, ошондой эле санитардык нормаларды жана сууну коргоо талаптарын сактоого шарттарды түзөт.

Булак:NazarNews.kg