Россиянын Федералдык жыйынынын делегациясы Улуу Ата Мекендик согушта курман болгондордун элесине таазим этип, Бишкектеги "Жеңиш" аянтындагы Өчпөс отко гүлчамбар койду. Бул тууралуу парламенттин маалымат кызматы билдирди.

Мамлекеттик Думанын Экология, жаратылыш ресурстары жана айлана-чөйрөнү коргоо боюнча комитетинин төрагасы Дмитрий Кобылкин жетектеген делегация 26-апрелде өтө турган Парламенттер аралык комиссиянын Х жыйынына катышуу үчүн келген.

Ошондой эле иш сапардын алкагында эки өлкөнүн парламентарийлеринин бир катар жолугушуулары пландалганы кошумчаланды.

Булак: NazarNews.kg