Мындан 15 жыл мурда, 2007-жылдын 24-октябрында Ош шаарында атып өлтүрүлүп кеткен журналист Алишер Саиповдун иниси Шохрух Саипов: Агам Алишердин иши иликтенип бүтүп, күнөөлүүлөр жазаланат деген үмүт бизде калган жок, биздин азыр бийликтен суранганыбыз жалгыз – ишке саясий баа берип, ага чекит коюу. Алишер, негизинен, – Кыргызстанга кошуна Өзбекстандан качып келгендердин маселелерин, алардын адам укуктары бузулганын чагылдырып келген, мүмкүн, аны өлтүрүүгө Өзбекстандын атайын кызматтары кызыкдар болгон, бирок анда Кыргызстандын атайын кызматтары өз аймагын андайдан коргой алган эмес, же алар менен кызматташкан.