Владимир Путин мураскери тууралуу үн катты

Журналист: МЭЭРИМАЙ АЛЫБЕКОВА

02.07.2021, 0:22

20726

саясат

Россиянын президенти Владимир Путин маек учурунда өзүнүн мураскери тууралуу суроого жооп берди. Россияны ким жетектеши өлкөнүн жарандарынын колунда, деди ал.

«Убакыт келет, ошондо ким биздин мекенибиз Россия сыяктуу кереметтүү өлкөнү жетектөөгө татыктуу экенин айта алам, деп ишенем», - деди Путин.

Путин мураскер тандоо боюнча суроолорго бир нече жолу, анын ичинде түз байланыш аркылуу жооп берди. Президент салттуу түрдө акыркы тандоо шайлоочуларга тиешелүү экендигин белгилеп келет. Бир жыл мурун ал бул суроого «биз мураскер издебей, иштешибиз керек» деп жооп берген. 2018-жылы Ярославлда өткөн ачык сабак учурунда Путин каалаган кесиптин ээси мамлекет башчысы боло алат деп айткан.

«Владимир Путин менен түз эфир («Прямая линия с Владимиром Путиным») — бул жыл сайын өткөрүлүүчү иш-чара, анда Россия Федерациясынын президенти жана мурда өкмөт башчы Владимир Путин жарандардын суроолоруна жооп берет.

Булак: NazarNews.kg