Видеодо аз-Завахири 2019-жылы декабрда АКШнын Флоридадагы аскердик базасында үч адамды атып өлтүргөн Сауд Аравиянын аскерлерин мактаган.

"Аль-Каида" террордук уюмунун лидери Айман аз-Завахири АКШдагы 11-сентябрда жасалган терактынын 20 жылдыгына арналган видеодон көрүндү. Бул тууралуу жихаддык топтордун ишмердүүлүгүнө байкоо салган америкалык SITE Intelligence Group агенттиги билдирди.

Маалыматка ылайык, видео 11-сентябрда жарыяланган. Бул кадр бир саатка созулуп, анда аз-Завахири 2019-жылы декабрда АКШнын Флоридадагы аскердик базасында үч адамды атып өлтүргөн Сауд Аравиянын аскерлерин мактаган. Ошондой эле АКШ Афганистандан аскердик күчтөрүн чыгарып жатканы боюнча комментарий берген. Ал эми 11-сентябрдагы терактынын 20 жылдыгын "позитивдүү окуя" деп сыпаттаган.

V
Bin Laden’s No 2 Ayman al-Zawahiri appears in new video on 20th anniversary of 9/11 - despite rumours he died in Afghanistan in November
======https://t.co/v5NklpcUk5 pic.twitter.com/RS0V7AqG2G

— Επικαιρότητα - V - News (@triantafyllidi2) September 12, 2021

SITE агенттигинин директору Рита Кац аталган видео азыркы учурда тартылбаса керек деп эсептейт. Себеби АКШ Афганистандан аскерлерин чыгарып кетүүгө 2020-жылы февралда эле макулдашкан. Ошол эле учурда Айман аз-Завахири "Талибан"* кыймылынын Афганистанды басып алуусу тууралуу ооз ачкан эмес.

Айман аз-Завахири — эл аралык террорчу, "Аль-Каида" уюмунун негиздөөчүсү Усама бен Ладендин мураскору. Ал 2011-жылы Пакистанда америкалык аскерлер тарабынан Ладен жок кылынгандан кийин террордук уюмду башкарып калган. 2020-жылдын соңунда ЖМКларда аз-Завахири оорудан улам каза болгону айтылып, бирок ушул кезге чейин далилдеп же четке каккандар болгон эмес.

Булак: NazarNews.kg