www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Белгилүү журналист Асейин Саралаев, саясаттагы саткындарга арнап ыр жазды.
ЖҮЗҮ КАРА
Кечээ көрдүм, жүргөн экен жүзү жок,
Жүзү жоктон ыйлап жүрөт күлкү жок.
Канча бетин алмаштырды унуттум,
Бул жашоодо андай арам түлкү жок.
Чынын айтчы, канча жүздү жоготтуң?
Бир жүз үчүн көлдөй жашты короттуң.
Беш бет тапкан сага бир жүз кеппи деп,
Калп ыйлаган көзүн карап соороттум.
Алгач кийген "Коммунисттик" бет каптан,
Андан кийин болду "Алга Кыргызстан".
Бир заматта аны чечип ыргытып,
"Ак жол" болуп жыргап жүрдү турмуштан.
"Ак жол" кетип жүзүн жышты арыкка,
Алтын кепич алмашылды чарыкка.
"Социалдын-демократын" туу тутуп,
Дагы жетти Пушкин жазган балыкка.
Жылдар өттү кур калбады жыргалдан,
Арак ичип созуп жүрдү ырлардан.
Тогуз жылы доорун сүрүп кутурду,
Алтын сузуп алтыны жок кырлардан.
Доору бүтүп тапты кайра жаңысын,
Жүзүн жулуп ичти "бетпак" дарысын.
Бетке чаптап "Биримдиктин" май жүзүн,
Белди бууду, бекем таштап арышын.
Тоосу кулап, ай-күн кошо баткандай,
Кооз жүзүнө таштар тийип жаткандай.
Бир заматта жыртык тепши кармады,
Алтын балык каргыш айтып качкандай!
Түйүп алып акча, байлык, туз, нанын,
Элдик болуп кемирип жейт өз камын.
Жүзү кара! Жаңы жүзүн табам деп,
"Мекенчилдин" издеп жүрөт бет кабын.
Асейин Саралаев, журналист
Булак: NazarNews.kg
< Предыдущий
Следующий >
Последние новости
