“Кыргызстандын премьер-министри Мухаммедкалый Абылгазиев менен туугандык жайым жок экендигин расмий билдирем”,- деп айтты Мамлекеттик экономикалык кылмыштарга каршы кызматынын төрагасы Эмиль Жамгырчиев.

Анын айтымында, өкмөт башчы ага жакын да, алыс да тууган эмес. Абылгазиевдин ага өкүл аталыгын төгүндөдү.

“Менин өкүл ата, өкүл апам такыр башка адамдар. Мындай ушактар кайдан чыгат таң калам. Биздин кээ бир “ак жүрөктөр” элдин оюн бузуп, кайсы бир адамды жаман көрсөтүш үчүн эмнени кана ойлоп таппайт. Бирок, алардын жалган ушактарынан күнөөсү жок адамдар эле жабыркап жатат”, - деп белгиледи Э.Жамгырчиев.

Булак:NazarNews.kg