“Шамал болбосо...” деген кеп бар! Учурда “Кумтөрдөгү” көчкү тууралуу айткан адамдын билдирүүсү Вотсапты аралай баштады. 

Анда билдирүүчү адам “Билбейм бул эл качан ойгонот, бирөө айткандай качан жарылып кеткенден кийин гана ойгонот го дейм”, -деп камарабаган жарандарга таң калганын жашырбайт. Ошол эле учурда элдик комиссия түзүп, айтылган маселени жеринде иликтөөнү сунуштайт.

Албетте бул кайрылуунун жөнү дагы бар. Анткени көпчүлүк аткаруу, башкаруу бийликтеринде олтурган чиновниктерге ишенбей калышты. Анткен менен “Ооруну жашырса, өлүм ашкере” демекчи, айрыкча мына ушундай маселени элге ачык-айкын жеткирүү зарылчылыгы турат.

Себеби социалдык  тармактарда такталбаган маалыматтар менен көпчүлүктүн башын айланткан билдирүүлөр көп.

Булак: NazarNews.kg