“Батукаев” сериалы улантылат

Журналист: NAZARNEWS

14.10.2019, 22:02

23767

саясат

Кримтөбөл Азиз Батукаевдин абактан бошотулушу боюнча сериалдын уландысы бүгүн, 14-октябрда Бишкектин Биринчи Май райондук сотунда улантылат.

Жалпысынан бул тасмада, 14 саясий актер, ой, мурдагы мамлекеттик кызматкерлер роль жаратары айтылып жаткан. Бирок, башкы кейипкер Алмазбек Атамбаев эмнегедир берилген ролду ойноого караманча каршы болуп койгон соң, андагы соттук отурум тууралуу эпизод жылдырылган болучу.

Жабык өткөрүлүп жаткан бул соттук процессте мурдагы президенттин жана ошол кездеги президенттик аппараттын бөлүм башчысы Индира Жолдубаева, андагы Жазаларды аткаруу кызматынын башчысынын мурдагы кеңешчиси Калыбек Качкыналиевдердин эпизоддору калган.

Эске сала кетсек, 2013-жылы өмүр бою абакка кесилген Батукаевдин «ашып кетсе үч күндүк эле жашоосу калды» делип, түрмөдөн чыгарылган. Анын чыгышына ошол тушта бийликте олтургандар, учурда күнөөлөнүп жаткандар кызмат көрсөткөнү айтылса, андагы өлкө башчы Атамбаев аларды көмүскөдө башкарып турганы каңкууланып келген.

Булак: NazarNews.kg