Бизде адам укугу корголобу ?

Журналист: NAZARNEWS

13.04.2018, 3:47

32547

аналитика

«Ата Мекен» фракциясынын башчысы Өмүрбек Текебаев атайын кызматтарга Белизден келген документтердин «жасалма» экенин далилдеп берди. Документтер Текебаев өз өнөктөштөрү менен "Мегаком"компаниясын сатууга аракет кылган деген мааниде болчу. Бирок мунун баары арык аттап, суу кечпей калды. Учурунда экс президент Атамбаев айтты эле "Эгерде бул документтер жалган болсо Сегизбаев жоопко тартылат " деп.

Маевский болсо мен Текебаевге пара берген эмесмин деп прессконференция бериптир. Кыскасы Абдиль Сегизбаевдин Текебаевге болгон каралоосунун бири да ишке ашкан жок. Бирок ага карабастан Өмүрбек Чиркешовичти камакка алышты. Күрсөтмө берген кишилерди примитивдүү эле түрдө зордоп, акчага жалдап келишкендери билинди.

Эми ушунча мыйзамсыз иштерди жасаган УКМКнын жетекчиси, мыйзамды одоно бузуп соттогон судья Эрнис уулу Айбек эч кандай жоопкерчиликке тартылбай ээлеген кызматынан гана бошоп кете беришеби ? Бул жерде адам укугу тебеленди, ар намысына доо кетиришти, мыйзамсыз түрмөдө кармашты, ден соолугуна зыян келтиришти. Ушунун баарына ким жооп берет ? Биз укуктук, демократиялуу мамлекетпизби же бир деспоттун режимине баш ийген кулдардын өлкөсүбүзбү?!

Шамил Жалилов, NazarNews.kg