www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кошмо Штаттардын шайланган президенти Джо Байден Алкыш күнүн утурлай америкалыктарга кайрылып, коронавируска каршы чараларды эки эсе көбөйтүүгө чакырды. Ал майрамды салтка айлангандай үй-бүлө мүчөлөрү менен жоон топ болуп чогулуп белгилебей, айылчылабай турууга үндөдү.
Белгилей кетсек, АКШ өпкөнү сезгентүүчү илдетке кабылган жана андан ажал тапкандардын саны боюнча дагы эле биринчи орунда турат жана абал оңоло элек.
АКШда соңку бир күндө оору дагы 200 миңге жакын адамдан табылды. Ушул тушта өлкө боюнча ооруканаларда дээрлик 90 миңдей бейтап жатат жана бул пандемия маалындагы эң чоң көрсөткүч болуп калды.
Бул арада өлкөнүн мөөнөтү бүтүп бараткан президенти Дональд Трамп коронавируска каршы күрөштө алдыңкы катарда болгондорго алкыш айтты.
Белгилей кетчү жагдай Трамп Байдендин жеңишин дагы эле тааный элек. Ал 25-ноябрда соңку шайлоодо жеңип чыкканын дагы айтып чыкты. Трамптын юристтери бир катар штаттарда добуштардын кайра саналышын, шайлоонун жыйынтыгы жокко чыгарылышын талап кылып сотторго арыз жазган, бирок дээрлик баары аны канааттандырган эмес.
Алдын ала маалыматка ылайык, Байден шайлоочулар коллегиясынын 306 добушун алды, Трамп болсо 232 добуш топтоду. Шайлоочулар коллегиясы 14-декабрда жыйынга чогулуп, шайлоонун жыйынтыгы расмий жарыяланат.
Булак: NazarNews.kg
< Предыдущий
Следующий >
Последние новости
