5-октябрда Гранадада өтүүчү Евробиримдиктин саясий шериктештигинин жыйынында негизги талкуунун темасы Евробиримдиктин 36 өлкөгө кеңейтилиши жөнүндө болушу мүмкүн. Бул тууралуу Испаниянын Европа биримдигинин төрагалыгынын сайтында маалымдалды.

“28-сентябрда боло турган министрлердин бейформал жолугушуусунда негизги көңүл 36 мүчө-мамлекеттен турган Евробиримдикти түзүү үчүн ички даярдыктын зарылдыгына, ошол эле учурда ЕБнин талапкер өлкөлөргө колдоосун күчөтүү, ошондой эле ачык стратегиялык өз алдынча башкаруу концепциясына ылайык калган дүйнө жана үчүнчү өлкөлөр менен кызматташуу”, - деп айтылат билдирүүдө.

Учурда Европа Биримдигине 27 мамлекет кирет. Биригүүгө талапкер өлкөлөр Түркия, Түндүк Македония, Черногория, Сербия, Албания, Босния жана Герцеговина, Украина жана Молдова. Косово дагы талапкер макамын талашууда.

Буга чейин Politico Евробиримдик Россия Федерациясына каршы туруу үчүн коргоо потенциалын күчөтүүнү пландап жатканын жазган.

Европалык саясый шериктештик 2022-жылы Франциянын президенти Эммануэль Макрондун демилгеси менен Европа өлкөлөрүнүн саясатын жана Евробиримдиктин талап кылып жатканын, анын ичинде Украина жана Молдова менен диалогун координациялоо максатын көздөйт. 44 өлкөнүн лидерлери жылына эки жолу өткөрүлүүчү жамааттык жыйындарга катышат.

Белгилей кетсек, Песков ENP саммити бөлүнгөн Европадагы толук кандуу саясий процесс эмес экенин айткан.

Булак: NazarNews.kg