Канат Исаев премьер-министр болобу?

Журналист: NAZARNEWS

31.07.2019, 1:03

20697

саясат

Өкмөт күздө отставкага кете тургандыгы баарыбызга белгилүү болуп калды.

Өкмөттүн тагдыры апрель айында эле чечилген. Бирок президенттин кийлигишүүсү менен гана отставкага аут кетпей калып калышкан. Кадрлары эт эмес же чел эмес болуп, берилген ишти түзүгүрөөк аткара албай, арабөк абалда турган өкмөттүн кимге кереги бар. Экономикада жылыш нөл, ал ортодо бажасы капталдан чыга калып "бажа гейт" оюнун уюштуруп жиберди.

Кыскасы Абылгазиевге абдан кыйын болду. Өкмөттүн отставкасын күтүп олтурбай айрым билермандар министрлер кабинетин түзүп баштады.

Премьер-министрликке Канат Исаев келери, азыркы өкмөт башчы нары карап ыйлап, бери карап күлүп эсеп палатасынын төрагалыгына барары пландалууда.

Дагы бир чиновник "Чоң муштум" же "кара көлөш" ээси Нурбек Мурашев БШКнын төрагалыгына же Ош облусуна Өкмөттүн ыйгарым укуктуу өкүлү болуп барары тар чөйрөдө айтылууда.

Кыскасы кызыктар али алдыда. Кийинки өкмөт курамына чапанын сүйрөп чалдар келеби же тааныш-билиши күчтүү "элиталар" келеби, - дейт "Факты.kg" гезити.

Булак: NazarNews.kg