Парламенттик шайлоонун карааны алыстан көрүнө баштагангабы - "Мекен Ынтымагы" партиясы Россия президенти В.Путин Кыргызстанга келээр алдында баш көтөрүп калыптыр. Анын үстүнө саясий партиялар үчүн шайлоо күрөөсүн 5 миллион сомдон 1 миллион сомго төмөндөтүү жөнүндө демилгечи топтор шайлоо мыйзамдарына өзгөртүү киргизүүнү сунуштап башташты. Исхак Масалиев парламенттеги көпчүлүк коалициянын курамынан КСДП фракциясын чыгаруу сунушун айтты.

Шайлоо күрөөсүн төмөндөтүү капыл-тапылынан ишке ашып кетсе, анда КСДПны көпчүлүк коалициядан арыдан-бери чыгара салышат да, бийликке ыктагандар жаңы партияга кулк этип кирип кетишет. Анан КСДПны ичтен ыдыраткандар парламенттик шайлоодо көпчүлүк добушка ээ болсок дегенде, эки көзү
төрт. Акаев доорунда Абсамат Масалиев жетектеген коммунисттерди да ушундай ыкма менен экиге ажыратып, ашмалтайын чыгарышкан ыкма эсибизде. Азыр ошол ыкманын жээнбековчулар методу ишке ашып жатат.

Бирок КСДП ушунча жылдык ийгиликтерин жөндөн-жөн эле тарттырып ийип, оозун ачып отуруп калчу партия эмес.

Булак: "Ачык саясат"