12-августта Камбоджага келген Кытайдын тышкы иштер министри Ван И Камбоджанын вице-премьер-министри менен дайындалган тышкы иштер министри Сок Ченда Софеа менен жолугушту. Жолугушууда тараптар эки тараптуу мамилелерди бекемдөөгө убада беришти. Бул тууралуу NazarNews маалымат агенттигине Кытайдын CCTV plus агенттиги билдирди.

Сок Ченда Софеа белгилегендей, Ван Инин сапары Камбоджа үчүн өз убагында жана күчтүү колдоо болуп саналат.

“Кытай өлкөгө тынчтыкка, стабилдүүлүккө, өнүгүүгө жана кайра жаралууга жетишүү үчүн оор учурларда Камбоджага ар дайым жардам колун сунуп келген, бул анын ишенимин жана көз карандысыздыгын коргоо жөндөмдүүлүгүн бекемдеди”,- деп кошумчалады ал.

Сок Ченда Софеа эки тараптуу кызматташуу Камбоджага элдин жашоо шартын тез арада жакшыртууга жардам бергенин белгилеп, Камбоджа Камбоджа-Кытай мамилелеринин стратегиялык мүнөзүн тынымсыз чыңдоо, кызматташуу багыттарын кеңейтүү жана белгилөө үчүн, “Бир алкак жана бир жолду” сапаттуу биргелешип курууга жакшы үлгү болууга Кытай менен бирге күч-аракет жумшоо ниетин билдирди.

Ван И өз кезегинде Кытай менен Камбоджанын ортосундагы эки өлкөнүн лидерлеринин улуу муундагылар түптөгөн салттуу достук эки тараптын эң баалуу байлыгы болуп саналаарын жана аны барктоого татыктуу экенин айтты.

Кытай Кытай-Камбоджа мамилелерине чоң маани берерин баса белгилеген Ван И, Кытай Камбоджанын өнүгүү жана жандануу аракети үчүн ар дайым ишенимдүү өнөктөш, ошондой эле оор мезгилде күчтүү колдоочу болоорун белгиледи.

Ван И Кытай Камбоджа менен тилектештикти жана кызматташтыкты чыңдоого жана саясат, өнөр жай потенциалы, айыл чарба, энергетика, коопсуздук жана гуманитардык алмашуу боюнча эки тараптуу кызматташтыкты байытууга даяр экенин билдирди.

Тараптар ошондой эле Кытай менен Түштүк-Чыгыш Азия мамлекеттеринин ассоциациясынын (АСЕАН) ортосундагы кызматташтыкты тереңдетүү боюнча пикир алышты. Алар тыгыз байланышты жана координацияны колдоону, АСЕАНдын борбордук ролун колдоону жана өз ара пайдалуу натыйжаларга жетишүү үчүн аймактык тынчтыкты, туруктуулукту жана өнүгүүнү илгерилетүүнү макулдашышты.

Камбоджа Ван Инин Түштүк-Чыгыш Азиядагы иш сапарынын акыркы чекити. Ага чейин ал Сингапурга жана Малайзияга сапар жасаган.

Булак: NazarNews.kg