www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргыз Республикасынын жараны кичи мекенинде аким жана айыл өкмөтүнүн башчысы боло албайт. Мындай норма бүгүн парламент жыйынында талкууланып жаткан мамлекеттик жана муниципалдык кызмат жөнүндөгү мыйзам долбооруна киргизилүүдө.
Бул эреже кыргызстандыктардын укуктарын чектейт, дейт депутат Айнура Аскарова.
«Сиз кичи мекениңизде аким жана айыл өкмөтүнүн башчысы болуп иштөөгө тыюу салган нормаларды киргизип жатасыз. Бул алардын укуктарын чектөө эмеспи? Мисалы, Чүй облусунун райондорунун биринде жергиликтүү тургундар башка райондун тургуну аким болуп иштешине уруксат бербей коюшкан, анткени алар жердеш эмес деп. Мындан тышкары, кээде мекенчилдик сезиминен улам жергиликтүү тургундар айыл өкмөтүнүн башчылыгына ат салышат, ал тургай өнүгүү долбоорлорун ишке ашыруу үчүн өз чөнтөгүнөн акча бөлүүгө даяр болуп калышат», - деди ал.
Айыл, суу чарба жана райондук өнүктүрүү министринин орун басары Нурлан Шерипов норма регионализмге жана коррупцияга каршы багытталган деп жооп берди. «Бул норма аймактык башкармалыктарга жана айыл өкмөттөрүнө райондук жана уруучулук саясаттан алыс адистердин келишине салым кошот деп үмүттөнөбүз. Анын үстүнө акимдер, мэрлер жана айыл өкмөт башчылары сынактын жыйынтыгы менен дайындалат», - деди ал.
Булак: NazarNews.kg
< Предыдущий
Следующий >
Последние новости
