Бүгүн, 29-ноябрда АКШнын Калифорния штатындагы Карсон шаарында бокс тарыхындагы эң мыкты мушкерлер Майк Тайсон менен Рой Джонстун беттеши аяктады.

Боксерлор 8-раундга чейин беттешип, ар бир раундга 2 мүнөттөн бөлүнгөн. Мушкерлер буга чейин бул оюн олутту өтөт дегени менен, көрсөтмө оюнга окшогон беттеште эки мушкер тең бири-биринин артынан кезектешкенсип муштум атып жатышты. Албетте, бокс күйөрмандары үчүн, айрыкча, мында легендалардын беттешинен көптү күткөн соң көпчүлүгү нааразы бойдон калышты. 

Эки мушкер тең 8-раундга чейин чыдап, судьялардын чечими менен эч кимге жеңиш берилген жок. Судьялардын узакка созулган талкуусунан кийин алар беттеш тең чыгуу менен жыйынтыкталды деп табышты.

Бирок, Майк Тайсон бул чечимге макул эмес экенин билдирсе, ал эми Рой Джонс ушул сыяктуу беттеш өткөрүүгө сунуш түшсө, макул болорун айтты. 

Булак: NazarNews.kg