Бүгүн, 25-майда Бишкек шаарында Жогорку Кеңештин мурунку төрагасы, коомдук ишмер Мукар Чолпонбаев акыркы сапарга узатылды. Анын сөөгү Ала-Арча көрүстөнүнө коюлду.

Акыркы сапарга узатуу зыйнатына туугандары, достору, кесиптештери, анын ичинде Жогорку Кеңештин төрагасы Дастанбек Жумабеков, Президенттин аппаратынын башчысы Досалы Эсеналиев, саламаттыкты сактоо министри келген.

Белгилей кетсек, кечээ, 24-майда Республикалык жугуштуу илдеттер клиникалык ооруканасында Жогорку Кеңештин экс-төрагасы Мукар Чолпонбаев коронавирус илдетин жугузуп 70 жаш курагында кайтыш болду. 

Эске сала кетсек, Мукар Чолпонбаев NazarNews.TVге келип, ушул жылдын 5-мартында өлкөдөгү митинг жана башкаруу системасы тууралуу маек курган.

Толугу менен төмөндөгү видео-тасмадан көрө аласыздар: 

Булак: NazarNews.org