Дин жагынан анчалык деле сабаттуу эмесмин. Турмушка чыкканыма 7 жыл болду. Эки балабыз бар.

Күйөөм акыркы жылдары дааватка көп кетчү болду. Кээде жумалап жок болуп кетет. Оокатыбыз жетиштүү эле. А мен кыйналам. Жаш болгондон кийин жеке сезимдерди да каалайт экенсиң... Тилекке каршы, жолдошум Урмат андайларды түшүнө бербейт. Кайра мени коркутат. “Жөн жаша, кылтыңдасаң талак берип салам, кууп жиберем!” дей бергеничи... Тажап кеттим. А мен талак берип, өз каалоом менен ажырашып кетсем болобу? Себеби, жакында эле анын аялдарга барып жүргөнүн билдим. Достору сүрөттөрүн жөнөттү. Ойлонуп жатам. Менин талагым өтөбү?..

Мираида