Нарын шаарында 31-августта «Он-Арча» базарында эркек киши аялына бычак менен кол салган. Бул тууралуу облустук милициядан кабарлашты.

Маалыматка караганда, окуя болгон жерге ыкчам тергөө тобу барган. 1982-жылы туулган Нарын шаарынын тургуну М.Н., базардын аймагындагы кафеде ашпозчу болуп иштеген 1983-жылы туулган аялы — С.А.га бычак сайганы аныкталган.

Жабырлануучу Нарын облустук бириккен ооруканасынын хирургия бөлүмүнө жаткырылып, керектүү медициналык жардам көрсөтүлүүдө.

Кол салуу фактысы боюнча Нарын ОИИБнин кызматкерлери тарабынан кылмышка шектүү М.Н. кармалып, тергөө иштери жүргүзүлүп жатат.