НАТОнун баш катчысы Йенс Столтенберг Орусиянын Украина менен чектешкен аймагына аскерий күчтөрдү тартуусун сынга алды.

26-ноябрда Брюсселде өткөн басма сөз жыйынында Столтенберг расмий Москваны Украинанын аймагына жакын жерлерге аскерлерин көбөйтүп жатканын айтып, чыңалууну токтотууга чакырды.

"Эгер Орусия аскерий күчтөрүн Украинага каршы колдонсо сөзсүз түрдө анын кесепети оор болот. Ушундан улам Орусияны аскерлерин артка тартууга чакырабыз".

Столтенберг өз сөзүндө Орусия Крымдын аннексиясын мыйзамсыз улантып, Украинанын чыгышындагы бейкуттукка жол бербей жатканын айтты. НАТО Орусиянын мындан аркы иш-аракеттери боюнча чалгын иштерин улантып жатканын билдирди.

Булак: NazarNews.kg