Пакистандын дээрлик бардык аймагында электр жарыгы өчтү. Бул тууралуу өлкөнүн Энергетика министрлиги Твиттер (Twitter) аркылуу билдирди.

Американын «CNN» телеканалынын маалыматы боюнча, 220 млн адам электр энергиясыз калды.

«23-январда эртең мененки саат 7:34тө өлкөнүн энергетика системасында авария болду. Учурда калыбына келтирүү иши жүргүзүлүп жатат», - дейт Пакистандын Энергетика министрлиги.

Электр энергиясы качан берилери белгисиз. 3-январда Пакистандын премьер-министри мамлекеттик ведомстволорго электр энергияны сарптоону 30 пайызга азайтууну тапшырган. Ал чиновниктерге кеңселерде электр жарыгын ашыкча пайдаланууга жол бербөөнү, бардык базарларды 20:30да, ресторандарды 22:00дө жабууну тапшырган болчу. Мындай чектөөлөр электр энергияны импорттоодо 273,4 млн доллар үнөмдөөгө багытталган.

Булак: NazarNews.kg