Президент Владимир Путиндин тапшырмасы менен Ливияга гуманитардык жардам жөнөтүлөт. Бул тууралуу Россиянын Ливиядагы элчиси Айдар Аганинге шилтеме берүү менен маалымат каражаттары жазып чыгышты.

"Президент В.В.Путиндин көрсөтмөсүнө ылайык, Россия Ливиянын түндүк-чыгышындагы жабыркаган аймактарга бир нече учак менен гуманитардык жардам жөнөтөт. Бул куткаруу жана медициналык топторду, жабдууларды, жууркан, чатырларды ж.б. өзүнө камтыйт. Кылдат даярдыктан кийин операциянын практикалык этабы 15-сентябрда башталат", - дейт орусиялык дипломат.

Эске салсак, Ливиянын маалымат каражаттары кабарлашкандай, "Дэниел" циклону себеп болгон нөшөрлөгөн жамгыр жекшемби күнү өлкөнүн чыгышындагы Эль-Байда жана Дерна сыяктуу бир катар шаарларда жана айылдарда сел жана суу ташкындарына алып келген. Мындан улам аймакта аэропорттор менен деңиз порттору жабылган.

Булак: NazarNews.kg