Россиянын президенти Владимир Путин Украина боюнча Стамбул келишиминин долбооруна кайтууну сунуштаган Александр Лукашенко менен макул болгонун РИА Новости билдирди.

Путин менен жолугушууда Беларусь президенти Украинадагы жаңжалды тынчтык жолу менен чечүү боюнча Россиянын демилгеси украин аскерлери тарабынан жооп табат деген пикирде. Лукашенко бир кезде ага көрсөтүлгөн документ менен аракет кылуу керектигин айткан.

"Ооба, ошону менен иштеш керек", — деп макул болгон Путин.

Лукашенко келишимде "Украина үчүн алгылыктуу", "акылга сыярлык" позициялар камтылганын кошумчалап, Киев алар менен макул экенин эске салды. Президент белгилегендей, Минск Москванын тынчтык жараянын колдойт, бирок Киевде бир пикирге келүүнү каалашпайт, эмнеге экени да түшүнүктүү.

Лукашенконун айтымында, "океандын ары жагындагылар тынчтык сүйлөшүүлөргө каалоосун билдирсе, Украина да кошулат".

"Украиналыктар, өзгөчө карапайым калк билиши керек: бул бизден көз каранды эмес, топ башка тарапта", — деди Лукашенко.

Путин буга чейин белгилегендей, Россия менен Украинанын ортосундагы Стамбул келишиминин долбоору Киев үчүн коопсуздукту кепилдеп, жалпысынан алгылыктуу болгон.

"Келишимдин долбоорунда Украинанын коопсуздугун камсыздоо маселелери кеңири жазылган. Ал жердегилердин баарына макул болдукпу же жокпу деп биз ойлонушубуз керек болчу, бирок жалпысынан бул документ алгылыктуу болгон ойлойм", — деди РФ президенти.

Июнда Путин африкалык делегацияга 2022-жылдын жазында даярдалган Украина үчүн туруктуу бейтараптуулук жана коопсуздук кепилдиктери боюнча Стамбул келишиминин долбоорун сунуштаган. Анда куралдуу күчтөрдүн санынан тартып, аскердик техниканын жана жеке курамдын көлөмүнө чейин бардыгы так жазылган. Путин россиялык аскерлер Киевден чыгарылгандан кийин украин бийлиги келишимден баш тартканын эске салды.

Булак:NazarNews.kg