Сүрөт - Жалал-Абад: "Жаш куткаруучулар күч салышты"

Журналист: NAZARNEWS

14.05.2018, 23:46

29011

коом

Жалал-Абад шаарындагы мектептердин окуучуларынын арасында “Жаш куткаруучулар” сынагы өткөрүлүп, анда мектеп окуучулары өзгөчө кыржаалдар мезгилинде өздөрүн кандай алып жүрүү зарылдыгын кошумча үйрөнүштү. Бул тууралуу Жалал-Абад шаардык өзгөчө кырдаалдар бөлүмүнүн башчысы, подполковник Кубанычбек Токтосунов билдирди.

Анын айтымында, Жалал-Абад шаардык өзгөчө кырдаалдар бөлүмү Жалал-Абад шаардык билим берүү бөлүмү, №17 орто мектебинин администрациясы менен биргеликте мектеп окуучуларынын өрт коопсуздугу, өзгөчө кырдаалдар боюнча билимин калыптандыруу, өзгөчө кырдаалдар учурундагы аракеттерди үйрөтүү максатында 8,9-класстарынын окуучуларынын арасында “Жаш куткаруучулар” кароо-сынагы уюштурулган.

Кароо-сынакка жалпы окуучулардан турган 6 команда катышып, сынактын жүрүшүндө окуучулар “Саламдашуу”, “Аскердик саптык жүрүш”, “Өрт өчүрүүчү-куткаруучуунун күжүрмөн кийимин кийүү”, “Күжүрмөн жайылуу” эрежелерин аткарышты. Ошондой эле өрт, өзгөчө кырдаалдар темасындагы интермедиялар аткарылып, өзгөчө кырдаал учурундагы аракеттер, өрт боюнча суроо-жоортор болду.

Кароо-сынактын жыйынтыгы менен алган упайларына ылайык, 1,2,3-орундарга татыктуу болушкан командаларга дипломдор жана акчалай сыйлыктар тапшырылды.

Булак: NazarNews.kg