«Кумтөр Голд Компани» ЖАКтын мурдагы тышкы менеджери Тенгиз Бөлтүрүктүн баш коргоо чарасы узартылды. Бул тууралуу 24.kg агенттигине Бишкек шаардык сотунан билдиришти.

Маалым болгондой, борбор калаанын Октябрь райондук сотунун чечими менен Бөлтүрүк 2023-жылдын 10-январына чейин УКМКнын СИЗОсунда камакта калтырылган.

Жактоочу Кайсын Абакиров билдиргендей, ал чечим боюнча Бишкек шаардык сотуна кайрылган.

«Жолугушуу азырынча белгилене элек. Менин кардарымдын ден соолугунда олуттуу көйгөйлөр бар - гипертония, жүрөк оорулары жана кан басымы. Тенгиз Бөлтүрүк үч жашы жете элек баласынын колунда. Мен аны камоонун кереги жок деп эсептейм», - деди Кайсын Абакиров.

Эске салсак, 15-сентябрда Башкы прокуратура «Кумтөр Голд Компани» ЖАКтын мурдагы тышкы менеджери, учурда «Улуу көчмөндөрдүн мурасы» улуттук холдингинин жетекчиси Бөлтүрүктү кармаган.

Мунун негизинде Тенгиз Бөлтүрүк менен Рыспек Токтогулов ээлеген кызматынан бошотулган. Башкы прокуратура деталдуу текшерүүнү баштаганы маалым болду. Анын жыйынтыгында үч кылмыш иши козголуп, мамлекетке алдын ала 1 миллиард сом зыян келтирилген. Натыйжада Кумтөрдүн мурдагы тышкы менеджери кармалып, 2022-жылдын 10-ноябрына чейин УКМКнын СИЗОсуна камалды. Тенгиз Бөлтүрүк өзү күнөөсүн мойнуна албайт. Ал бардык айыптар жалган экенин билдирди. Анын жактоочусу айыпталуучу тергөө менен кызматташууга даяр экенин айтууда.

Булак: NazarNews.kg