Түркиянын Бурса шаарында 21-сентябрда келе жаткан IV Дүйнөлүк көчмөндөр оюндарынын урматына “Манас” эпосунун жумалыгы башталды.

Эпосту айтуу үчүн Венгриядан, Казакстандан, Кыргызстандан, Түркиядан манасчылар келген.

Салтанаттуу ачылыш Мерино паркында болуп, анда Кыргызстандын элчиси Кубанычбек Өмүралиев куттуктоо сөзүн сүйлөдү. Ал “Манас” эпосу кылымдар бою ооздон-оозго өтүп, кыргыз элинин руханий тиреги, дем булагы болуп келген баатырдык эпос экендигин баса белгиледи.

«Эпос кыргыз жана түрк элдеринин турмушун гана чагылдырбастан, этномаданий жана экономикалык мааниге ээ. Анда дипломатиялык мамиледе болгон чет элдик элдердин жана өлкөлөрдүн тарыхы, маданияты, географиясы тууралуу кызыктуу маалыматтар камтылган», - деп кошумчалады ал.

Түркия президентинин башкы кеңешчиси Ялчын Топчу Кыргызстан менен Түркиянын элдеринин тарыхы жана маданияты орток экенин белгиледи. «Биз бир тууганбыз, жанбыз. Маданиятыбыз бир, бирок ар башка бешикте чоңойдук», - дейт Топчу.

Бурса шаарынын мэри Алинур Акташ тарыхтын эски доорлорунда калыптанган баатырдык баяндар оозеки салттагы эпостор аркылуу биздин күндөргө чейин жеткендигин баса белгиледи.

«Эпостор коомдун абийиринин үнү болгондуктан, улуттук ынтымакты бекемдеген өтө маанилүү мурас. Идеалдар, салттар сыяктуу коомдогу жашоону колдогон элементтер жашоого болгон көз карашты билдирет жана элдердин өзгөчөлүктөрүн, каада-салттарын, үрп-адаттарын билүүнүн булагы болуп саналат», - деп кошумчалады мэр.

Ошондой эле АК партиясынын Бурса шаарынын депутаты Осман Местен жана Эл аралык Түрк маданияты уюмунун (ТҮРКСОЙ) баш катчысы Султан Раев да сөз сүйлөштү.

Иш-чара эпостун жомогу жана элдик бий топторунун өнөрлөрү менен уланды.

Ошондой эле 8 күнгө созула турган Гиннесстин рекорддор китебине "Манас" легендасынын эң узун аракети башталды.

Булак: NazarNews.kg