Бүгүн, 3-мартта парламенттин жалпы жыйынында Баш мыйзамдын долбоору каралып, референдум дайындоо маселеси күн тартибине киргизилди.

Жыйында депутат Жанар Акаев жергиликтүү телеканалдардын бирине нааразычылыгын билдирди.

Анын айтымында, канал элге туура эмес маалымат берип жатат.

«ЭлТР телеканалына интервью берсем аны башка өңүттөн алып көрсөтүп жатат. Бул бузуку, эл бузар деп жамандап жатат. Эски замандын биздин мамлекеттик ЖМКларда Ак үй дагы, көк үй дагы тажабаптыр. Биз эмне элге жамандык кылалы деп жатабызбы? Анысы аз келгенсип ЭлТрдин журналисти өзү «саясатчыларга каршы чыга берсе, мунун арты жарандык согушка алып келиши мүмкүн» дейт. Биз бул боюнча сотко кайрылышыбыз керек. Бул эмне деген коркутуу, эмне деген чочулатуу? Эгер мындай жол менен кетсек, Түркмөнстан жолдо калат. Түркмөнстан да өкүнүп калат го бизден өтүп кетти деп», - деп белгиледи эл өкүлү.

Булак: NazarNews.kg