Электр жарыгы үчүн тарифти көтөрсө болот, анткени баанын баары өсүп жатканда, тарифтер көптөн бери жогорулаган эмес, бирок бузулган жалпы система мурдагы бойдон калып жатканда, тариф көтөрүү көп деле пайда алып келбейт. Кыргыз экономикасынын фундаменти бузулган, аны оңдоо үчүн өндүрүштү көтөрүү керек, өндүрүштү жандантуу үчүн болсо тарифтер төмөн болууга тийиш. Маселени комплекстүү карап, Бишкек жылуулук борбору же Токтогул ГЭСине байланбай, Кара-Кечеде ТЭС куруу керек. Ошондо Бишкек ТЭЦинин да кереги жок болуп чыгат, Токтогул суу сактагычына дагы канча керек болсо, ошончо суу топтой берсе болот.