Жети-Өгүздүк аксакал Мукалай Мойноков: Илгери айылда кимдир бирөө үй куруп жатса, көчөдөн өтүп бараткандар токтоп, кол кабыш кылып жардам берип, анан – менин ишим бар эле деп андан ары жолун улантчу. Азыр кошуналар гана эмес, бир туугандар дагы бир-бирине жардам бербей калган заман. Жаштарыбыз чет мамлекеттерге агылып кетип жатат, анткени коомубузда ынтымак менен улуттук жылуулук жоголгон, элди тейлеген уюмдар дээрлик баары коррупциялашкан, калыстыгы жок коомдо болсо эл токтобойт. Коомду тазалоо элдин өзүнөн башталыш керек...