Адамдын каары убактылуу, жаратылыш каарын салбасын. 2020-жылдын 16-майынан 20-майына чейин Кыргызстандын аймагында туруксуз аба-ырайы күтүлөт: мезгил-мезгили менен жаан жаап, күн күркүрөшү, бийик тоолуу райондордо кар жаайт. Бул тууралуу Кыргызгидромет маалымат борбору билдирди.

16-майда күндүз жана 17-майда түнкүсүн Ош, Жалал-Абад, Баткен облустарынын, 18-майда күндүз Баткен облусунун, 19-майда жана 20-майда түнкүсүн Чүй, Талас, Ош, Жалал-Абад, Баткен облустарынын кээ бир райондорунда жаан-чачын катуу жаашы күтүлөт. Айрым жерлерде мөндүр жаашынын ыктымалы бар. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт. Абанын температурасы төмөндөйт. Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.

Баса, NazarNews сайтынын окурмандары Бишкек шаарында жайгашкан Ала – Тоо жаңы конушунун көрүстаны жаан көп жаагандыгына байланыштуу көпчүлүгү ачылып калгандыгын билдирди. Тасманы көргөндөр жакындарынын көрүстөнүн кайрадан жаап коюну билдирген.

Булак: NazarNews.org