www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Нур-Султанда көп балалуу энелер тобунун активисти Феруза Ордабекова 10 суткага административдик камакка алынды.
Шаардык сот аны “тынч жыйын өткөрүү жана уюштуруу эрежелерин бузду” деп тапты. Соттун токтомунда Ордабекова 25-январда өкмөт имаратынын алдында өткөн мыйзамсыз акцияга катышканы айтылган.
Активист айыптоолорду четке какты. Ордабекова 22-февралда кезектеги нааразылык акциясына катышуу үчүн “Нур-Отан” партиясынын кеңсесине бараткан маалда кармалган.
22-февралда көп балалуу энелер партиянын кеңсесине барып, социалдык жардамды күчөтүүнү, турак жай маселесин чечүүнү, активисттерди кысымга алууну токтотууну талап кылышкан. Казакстанда көп балалуу энелердин нааразылык акциялары өткөн жумада бир үйдө беш бала өрт кырсыгынан улам каза тапкандан кийин кайрадан башталган.
19-февралда Жамбыл облусунун Сарысу районунда беш кабаттуу үйдө өрт чыгып, бир үй-бүлөнүн беш баласы чарчап калган.
Казакстанда соңку жылдары көп балалуу энелер акция өткөрүп келет. Буга 2019-жылы февраль айында Нур-Султанда өрттөн бир тууган беш кыз күйүп кеткен окуя себеп болгон. Жетишпеген турмушта жашаган кыздардын ата-энеси кырсык учурунда жумушта болгон. Бул окуя казак коомунда нааразылыктарды жаратып, мамлекеттин камкордугун күчөтүүнү талап кылып келишет.
Булак: NazarNews.kg
< Предыдущий
Следующий >
Последние новости
