Япониянын Ниигата префектурасында жааган калың кардын кесепеттеринен бери дегенде үч адам каза болуп, 23 киши жарадар болгонун ТАСС префектуранын администрациясына шилтеме берүү менен билдирди.

Жабыркагандардын жана каза болгондордун көбү кар тазалоо менен алектенип, жыгылганда жаракат алган улгайган адамдар.

Tohoku Electric Power энергетикалык компаниясынын маалыматы боюнча, Ниигатадагы дээрлик 4300 үй электр жарыгысыз калууда.

Буга чейин Япония деңизинин жээгинде бир жумадан бер калың кар жаап жатканы кабарланган. Айрым префектураларда кардын калыңдыгы эки метрге чейин жеткен.

Булак: NazarNews.kg