СҮРӨТ - Жасалма номур менен унаа башкарып жүргөн жаран кармалды
Кылмыш жана кырсык  |   |  506

Бүгүн, 22-ноябрда милициянын кайгуул кызматкерлери жасалма номур тагып унаасын башкарып жүргөн айдоочуну кармады. Бул тууралуу аталган кызматтын басма сөз кызматы маалымдады.

Билдирүүгө ылайык, милициянын кайгуул кызматкерлери бөлүнгөн аймакта кайгуул кылып жатып, саат болжол менен 00:25 чамасында Жибек- Жолу жана Айтматов көчөлөрүнүн кесилишинен «Тойота Виндом» үлгүсүндөгү автоунаанын мамлекеттик номуру шек жараткандыктан токтотушкан.

Автоунаанын керектүү документтерин текшерүү учурунда мамлекеттик номуру техникалык күбөлүктөгү номурга дал келбей, жасалма экендиги аныкталган. Унааны 1997-жылы туулган К. Т. башкарып жүргөн.

Бул факты боюнча унаа айып төлөөчү короо жайга токтотулуп, ал эми унаанын айдоочусу Свердлов РИИБдин тергөө кызматына өткөрүлүп берилди.

Булак: NazarNews.kg

Поделитесь с друзьями