Казакстандын Жаңы-Өзөн шаарында эки кабаттуу үйдө газ жарылып, каза болгондордун саны төрт кишиге жеткенин Казакстандын Өзгөчө кырдаалдар министрлигинин Telegram каналында билдирди.

Маалыматка ылайык, урандылардын астынан төрт адам тирүү чыгарылып, төрт адамдын сөөгү табылды.

Маалым болгондой, адистер эки аялды, бир эркекти жана бир баланы сактап калууга жетишкен, алар менен дарыгерлер иштеп жатат.

Жалпысынан ондон ашык адам дарыгерлерге кайрылышкан, анын ичинде бир нече балдар да бар. Жабыркагандардын алтоо ооруканага жаткырылды.

Окуя бүгүн, 17-апрелде Астана убактысы боюнча таңкы саат бештер чамасында 2-кичи райондо 12 батирлүү эки кабаттуу үйдө болгон. Газ баллондун жарылышынын кесепетинен 150 чарчы метр кире бериш бөлмө кулап түшкөн.