www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 11-июнда Жогорку Кеңештин жыйынында энергетика министринин кызмат ордуна Алтынбек Рысбековдун талапкерлигине макулдук берүү маселеси каралып, депутаттар тарабынан колдоо тапты.
Талапкердин эмгек жолу тууралуу Президенттин жана Министрлер кабинетинин Жогорку Кеңештеги туруктуу өкүлү Бектур Зулпиев маалымат берди.
Талкуу маалында депутаттар тармактагы бир катар көйгөйлөрдү көтөрүштү. Дастан Бекешев жаңы министрди кадрларды тандоодо тууганчылык эмес, кесипкөйлүк принциптерин жетекчиликке алууга чакырды.
Ал эми Джайлообай Нышанов алыскы аймактардагы электр станцияларынын абалы оор экенин белгилеп, бул маселеге өзгөчө көңүл бурууну өтүндү.
Өз кезегинде Медер Чотонов диний мекемелерге социалдык тариф менен төлөм жүргүзүү мүмкүнчүлүгүн карап чыгууну сунуштаса, Максат Алымбеков оңдоп-түзөө иштерине байланыштуу электр энергиясын өчүрүү учурларында жарандарды алдын ала кабардар кылуунун маанилүүлүгүн белгиледи.
Ошондой эле эл өкүлдөрү энергетика тармагындагы негизги көйгөйлөргө токтолуп, жаңы министрден натыйжалуу реформаларды күтүп жатышканын билдиришти.
Жыйынтыгында Жогорку Кеңештин депутаттары Алтынбек Рысбековдун талапкерлигин колдоп, аны энергетика министри кызматына дайындоого макулдук беришти.
< Предыдущий
Следующий >
Последние новости
