Текебаев кошоматтанып кухнясын Лениндин броневигине салыштырып жиберген Сыймык Жапыкеев деген 2020-жылдын октябрындагы башаламандыкка  чейин: «Кыргызстанды олигарх-криминалдар башкарууда» деп кан-какшап келген. Андан бери үч ай өттү, финполду жетектеп турган Жапыкеев  «Ишенген кожоң сууга акса, алды артынан тал карма» -дегендей ал мамлекетке пайда түшүрүп жатабы же «капчыгына» пайда түшүрүп жатабы ким билет? Бул тууралуу Facebook баракчасындагы «Даканса» тайпасына минтип  жарыяланды: «Кубанычбек Жумалиевден 160 миӊ доллар пара алган кызматкер, Сыймык Жапыкеевдин кишиси болуп чыкты. Жаз айларында кухнясында отуруп алып сүйлөгөн Сыймык Жапыкеев Кыргызстандагы ууру-чиновниктерди кустурам деп элдин колдоосуна алынган. Ал, Кубанычбек Жумалиевдин миллиарддаган байлыгы бар экенин айтып чыккан.

Убакыт өтүп, Кыргызстанда бийлик алмашып, экономикалык кылмыштар боюнча полициясынын жетекчиси болуп Сыймык Жапыкеев келип калды. Мурда үмүт кылып жаткан элдер, «Жапыкеев келди, эми миллардаган акчалар казынага кайтарылат» деп күтүп жатышкан. Тилекке каршы Сыймык Жапыкеев элдин үмүтүн актаган жок. «Элдин уулу» деп ишенип алгандар Жапыкеевди куттуктап, кубанып кабинетине чейин барса, «антип келбегилечи, китайский калпагыӊарды көтөрүп алып» деп аларды кууп салды.

Мындай адамгерчилиги жок эле окшойт деп жатсак, Жапыкеев жеткен коррупционердин дал өзү болуп чыкты. Анда эмесе, анын сүйлөгөн сөзү менен кылган иши дал келбей жатканын белгилейбиз:

Тайырбек Сарпашевдин 500 менчик жерин мамлекетке кайтардык деп айтты. Көрсө, ал 500 гектар жер Токтогул районунун тоолорундагы жайыттар, эл барбаган жерлер экен. Аны деле убагында арендага алып пайдаланып келишкен. Мындан башка Жапыкеев бетине карманып мактана турган эч нерсе кылган жок. «Жакында кыйратабыз» деп бакылдагандан башка.

21-декабрда Кубанычбек Жумалиевдин кылмыш ишин жаап берүү үчүн 160 000 доллар пара сураган Финполдун кызматкери ИИМ тарабынан кармалды. 1996-жылы туулган кызматкер өз алдынча Жумалиевдин кылмыш ишин жабуу үчүн 160 миӊ доллар алышына ким ишенет? Көрсө, ал Сыймык Жапыкеевдин кишиси экен. Жапыкеевдин атынан барып акча алып жаткан жеринен кармалып, камакка алынды. Жапыкеев болсо жакын көргөн досторуна, «мен 3 миллион доллар чогултуп койдум, дагы 2 миллион топтосом Кыргызстандан кетем» деп мактанып айтып жүрүптүр.

Анын бул сөзүн жакындагы өзүнүн аракети дагы тастыктайт. Убагында арендага алып сүйлөп жүргөн квартирасын, «квартираны сатып алып коеюн десем, хозяини сатпай койду», - деп айтты. Квартираны сатып ала турган акчаны кайдан тапты? Эмнеге убагында ал квартираны сатып алган эмес. Демек, акчасы көбөйүп, көзүнө көрүнгөндү сатып алып баштаптыр да? Баса, аялынын туулган күнүнө 80 миӊ долларлык жол тандабас белек кылганы дагы элдин кыжырын келтирди. Мындай болсо Жапыкеев жыргатпай эле, коррупционерлердин канын өзү соруп, өзү байып отура берет окшойт?», - деп жазылган.

Экономикалык кылмыштарга каршы күрөшүү кызматынын төрагасы Сыймык Жапыкеев өзүнө карата айтылган айыптоолор боюнча жооп берди. Ал учурда дарыланып жаткан жеке менчик ооруканалардын бириндеги биринчи палатадан билдирүү жасаган: «Мен жөнүндө көптөгөн каралоорлор, «акча алып алган» менин абыр оюма шек келтирип, авторитетимди түшүрүү үчүн көп нерселерди айтып жатышат. Булар эми эмнеге антип жатышат. Кыскасын айтканда, саясатчылар ит эле экен. Мен эч кимге душман эмесмин. Өз жумушубузду так аткарып жатабыз. Мына, кечээ эле эл аралык алдамчы болуп жүргөн адамды, бүгүн болсо министрдин орун басарын камадык.

Акыркы учурларда менин айланамда чагымчыл тараптар, бирөө менен касташтыргысы келгендер көбөйдү. Бирок, биз алдыда дагы болгон күчтү топтоп иш жүргүзөбүз. Ооруканада жатсам да жөн жаткырбай, артымдан ээрчиген ушактар көбөйдү. Алар кимдир бирөөнүн «заказдарын» аткарып жатабы так айталбайм. Мен жөнүндө жалган маалымат чыгарып жатышат. Мени жөн эле акча алган деп айтып жатышат. Мына көрүп жатабыз го кимдер пара менен кармалганын. Жакында эле Мелис Аспеков деген активист пара алган деген негизде кармалды. Дагы белгилеп айта кетсек, Жумалиев жакынкы убакытта кармалат» - деген ал.

Кубанычбек Жумалиев жакында камалабы же Сыймык Жапыкеев өз жинин дагы кимден чыгарат?

Азизбек КЕЛДИБЕКОВ, NazarNews.kg