Кыргызстанда пенсиялык реформа керек. Бул тууралуу бүгүн, 3-декабрда депутат Айнуру Алтыбаева Жогорку Кеңештин жыйынында билдирди.

Анын айтымында, өлкөдө пенсиялык төлөмдөрдүн адилетсиз системасы бар.

«Көп жылдар бою иштеген мугалим болгону 4 миң сом алат, ал эми бардык шарттары бар аткаминер 20 эсе көп алат. Азыр прокуратурада иштегендер 20-30 миң сом алышат. Бул адилетсиз, анткени, мисалы, ошол эле чек арачылар өлкөнүн чек араларын 24 саат бою кайтарышат. Өлкө пенсиялык реформага муктаж деп эсептейм», – деди Айнуру Алтыбаева.

Булак: NazarNews.kg