Бишкекте «Ала-Арча» мамлекеттик резиденциясында реконструкция болуп жаткан эски имараттардын биринин чатырындагы өрт өчүрүлдү. Өзгөчө кырдаалдар министрлигинин басма сөз кызматы билдирд.

“Бүгүн резиденциянын аймагындагы имараттардын биринин чатыры күйдү, толук эмес, бир бөлүгү. Өрт өчүрүүгө беш автоунаа тартылган. Жабыр тарткандар жок. Өрт чектөөгө саат 16:37де алынып, андан ары өрчүшүнө жол берилген жок”, - деп кабарлайт ОКМдин басма сөз катычысы Элмира Шарипова.

«Ала-Арча» резиденциясында, өлкөнүн президенти, өкмөттүн, парламенттин башчылары жана башка жетекчилер жашайт. Мындан тышкары, чет элдик конокторду кабыл алуучу жайлар бар. Резиденцияны мамлекеттик күзөтчүлөр кайтарат.

Булак: NazarNews.kg