“Ата Мекен” фракциясына караштуу ЖК депутаты Алмамбет Шыкмаматов эртең, 22-февраль саат 11:00 го УКМКга суракка барат. Бул тууралуу өздүк булактар билдирди.

Эске сала кетсек, 17-февралда Башкы прокуратура Алмамбет Шыкмаматовго каршы кылмыш иш козгогон. Ага себеп эсеп палатасында аудитор кызматын жетектеп турганда, тендер өткөрүүдө мыйзамдарды бузган деген айып тагылууда.

Депутат Алмамбет Шыкмаматов жасалма тендер өткөргөнгө катышкан деген айыптарды четке кагып келүүдө.

Ал эми социалдык тармактарда депутат Алмамбет Шыкмаматовго каршы бийлик айласы кеткенде, күнөөсүн микраскоп менен таап кылмыш ишин козгоп, депутаттын оппозициячыл ишмердиги менен түздөн-түз байланыштуу деген пикирлер айтылууда.

Булак: NazarNews.kg