Алмазбек Атамбаев добуш берди

Журналист: ПЕРИЗАДА ДҮЙШӨНКУЛОВА

10.01.2021, 21:24

17134

саясат

Мурдагы өлкө башчы Алмазбек Атамбаев 9-январда №47 колонияда добушун берди. Бул тууралуу жазаларды аткаруу мамлекеттик кызматынан билдиришти.

--"Алмазбек Атамбаев жаткан абакка кечээ көчмө урна алып барышкан. Ошондо мурдагы өлкө башчы башка жазасын өтүп жаткандар менен бирге шайлоого добуш берди" -деп айтылат маалыматта.

Ал эми Алмазбек Атамбаевдин жактоочусу Замир Жоошев төмөндөгүлөргө токтолду.

--"Мыйзам боюнча соттун өкүмү чыгып, абакта жаткандар шайлоодо добуш берүү укугунан ажыратылат. Ал эми СИЗОдогулар тергөө астындагы айыпталуучулар болгондуктан добуш берсе болот. Алмазбек Атамбаев УКМКнын СИЗОсунан №47 абакка ден соолугуна байланыштуу которулган. Учурда Атамбаевге карата тергөө иштери жүрүп жатат. Ошондуктан абакта болгону менен СИЗОдо кармалганына барабар" , - деди жактоочу.

Эске салсак, 2020-жылдын 4-октябрда өткөн парламенттик шайлоодо Алмазбек Атамбаев добуш бере алган эмес.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg