Жалал-Абад облусунун Базар-Коргон районундагы Арстанбап айылында 9 турак жайды, оорукананы, соода үйүн, 5 көпүрөнү, бир чакырым ички чарбалык жолду сел каптап, 23 унааны агызып кеткен. Бул тууралуу Өзгөчө кырдаалдар министрлиги билдирди. 

Ошентип, бүгүн таңкы саат 07:00до 77 куткаруучу кесепеттерин жоюу иштерин баштады. Жабыркаган унаалардын ээлери такталууда.

Жарандык коргонуу кызматынан атайын техникалар да тартылган. Бактыга жараша селден жабыркагандар жок.

Булак: NazarNews.kg