Баткен облусундагы кадр саясатын Арзыбек Бурканов каалагандай калчап, дос-жар, тууган-туушкандарынан бери “майлуу” кызматтарга койдурганы, баарын көзөмөлгө алганы белгилүү эле.

Бул таризде далай жазылган, айтылган. А тилекке каршы, Баткен жергебизди душмандар басып кирип, аткылап, өрттөп, калайман күн салганда Арзыбек Буркановдун аты угулбай, коңулга кирип кеткени таңгалдырды. Кайрылуусун окуган жокпуз, муктаждыктарды чечүү, гуманитардык жардам жөнөтүү, элге, аскерлерге колкабыш кылганын көрө албадык.

Муну кандайча түшүнөбүз? Жай турмушта баарын “жайлай” берип, кыйын күндө бир жерин кыпчып жоголгону ушулбу? Эрксизден баш чайкайсың да...

Булак: Азия News гезити