Бийликтегилер кээ бир жөнөкөй жарандардан үлгү алса

Журналист: NAZARNEWS

15.02.2019, 2:11

19649

саясат

Бул жалганда байлык топтоп, мансапка жеткен эрдик эмес, бир жолу жашоого келген адам баласынын өмүрүн сактап калган чоң эрдик экенин ким билбейт. Кечээ борборубуз Бишкек шаарына караштуу Келечек жаңы конушунда болгон өрт кырсыгына кабылган үйдөн, үч жаш баланын жанын аман алып калган Улан Кыргызбаевдин жасаган бул ишин чоң тамга менен белгилеп кетсек аша чаппайбыз.

Уландын айтуусунда үйдөн өрт чыгып, эшикте илинип турган кулпуну талкалап ичкери кирип алгач эсин жоготуп жаткан наристени көтөрүп сыртка алып чыгып карга жаткысып коюп анан ойлойт “бул бала жалгыз болбошу керек” деп кайра ичкери кирсе дагы эки бала ууга думугуп бирин-бири кучактаган калыбында эстеринен танып жатканын көрө сала экөөнү бирдей колуна алып сыртка көтөрүп чыгып, өмүрүн сактап калды.Эгер Улан мырза болбогондо үч бала өмүр менен кош айтышмак эле. Өз өмүрүн тобокелге салып, өрт каптап жаткан үй ичинен үч баланы алып чыкканы бул чыныгы баатырлык экенин басым менен белгилей кетсек болот.

Айтканда мындан эки-үч жыл илгери Москвадан биздин утуулубуз поездин алдына калып кала жаздаган аялды куткарып калганы үчүн Россиянын өкмөтү сыйлык тапшырганы бар. Ал эми үч баланы өрт кырсыгынан сактап калган Уланга дагы өкмөт тарабынан сыйлык болор деген үмүт бар. Улан сага ырахмат, сен чоң эрдик кылдың! Ылайым элдин керегине жарап жүрө бер!

Бердикожо Бийназаров

Булак: NazarNews.kg