www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 17-ноябрда «Бишкек жүргүнчү автотранспорт ишканасынын» айдоочулары иш таштады.
Алар аталган ишкананын директору Нурлан Койчубаковдун кызматтан кетишин талап кылып жатышат.
«Ал бул кызматка келери менен автобазадагы жумуш токтоп калды. Баары артка кетти», - деди бригадир Канат Кожогелдиев.
Ошондой эле ал айлык маяналары аябай аз төлөнүп жатканын кошумчалап, автобустарга тетиктер келбей жатканын, бирок документтерге алынып келди деп жазылып жатканын белгиледи.
«Биз УКМКга, мэрияга, Жогорку Кеңешке кайрылганбыз, бирок эч кандай жыйынтык жок», - деди Кожогелдиев.
№8 автобустун айдоочусу Нурлан Мураткановдун айтымында, карантин маалында автобазанын айдоочулары коронавирус менен күрөшүүгө жардам беришкен.
«Бизге күйүүчү майды автобаза эмес, ӨКМ куюп берчү. Биздин айдоочулар «кызыл зонада» иштеген. Бир кесиптешибиз каза болуп калган», - деди ал.
Айдоочулар автобазанын жетекчилигине иш билги адамдын келишин талап кылууда. Алар Нурлан Койчубаков кызматтан алынбаса, эртең дагы иш таштай турганын айтышты.
Булак: NazarNews.kg
< Предыдущий
Следующий >
Последние новости
