Кечээ, 26-январда саат 18:08 чамасында Бишкек ШИИБдин «102» кызматына 7-апрель жана Ахунбаев көчөлөрүнүн кесилишинен коомдук кичи автобустун ичинен баштыгы уурдалган жаран кайрылган. Айтылган дарекке Милициянын кайгуул кызматынын кызматкерлери барып, окуянын чоо-жайын тактады.

Арыз ээси — 1979-жылы туулган О.Н. билдирген маалымат боюнча, коомдук унаанын ичинен баштыгын белгисиз адамдар уурдап кеткен. Анын ичинде «Редми-9» үлгүсүндөгү чөнтөк телефону жана 40 000 доллары бар экенин айтты.

Арыздын негизинде ыкчам кармоо иш-чаралары жүргүзүлүп, шектүү катары 1984-жылы туулган К.Б. кармалды. Аны кайгуулчулар Октябрь РИИБдин Тергөө кызматына өткөрүп беришкен. Сотко чейинки өндүрүш иштери жүрүп жатат.

Булак: NazarNews.kg