Бүгүнкү күндө Covid-19 адам тарабынан атайылап жайылтылганы боюнча эч кандай далилдер жок. Бул тууралуу Россиянын Тышкы чалгын кызматынын жетекчиси Сергей Нарышкин билдирди.

Ал "Россия сегодня" эл аралык маалымат агенттигинин директору Дмитрий Киселевго интервью берген. Журналист COVID-19 илдетин кызыкдар тараптар атайын жайылтышы мүмкүн деген божомол көптөрдү кызыктыраарын айтып, "Тышкы чалгын кызматында так маалымат болсо керек" деген суроосун узаткан.

"Бул продукция адам колу менен жасалганын далилдеген бир дагы маалымат жок. Биздин оюбузча, вирус табигый түрдө пайда болгон", — деди Нарышкин.

Белгилей кетсек, акыркы маалыматтар боюнча, 48,7 миллион адам коронавирус илдетине кабылды. Алардын ичинен 32,2 миллиону айыгып, 1,2 миллиону көз жумду.

Булак: NazarNews.kg