Дүйнө жүзүндө 2017-жылдын аягына чейин  бардыгы болуп 190 миң тонна алтын казылып алынды. Бул тууралуу чет элдик басылмалар жазып чыгышты.

Адистердин айтымында, буга дүйнө жүзүндөгү бардык алтындар, анын ичинде илгерки зер буюмдар дагы кирет. Бул көлөмгө жыл сайын 2,5-3 миң тоннадан кошулуп турат.

"Сөз болуп жаткан алтындын үчтөн эки бөлүгү 1950-жылдан кийин казылып алынган. Алтындын дээрлик 50 пайызы зер буюмдарды жасоого кетет", — деп айтылат маалыматта.

Маалыматка караганда, ушул тапта жер алдында 54 миң алтын запасы калды.

Ал эми ага салыштырмалуу  айтсак, Кыргызстандагы "Кумтөр" кенинде 1997-жылдан 2018-жылга чейин 374 тоннадан көбүрөөк алтын казылган.  Азыр 104 тоннадай алтын запасы бар.

Булак: NazarNews.kg