Экс-мэр Мырзакматов аппак экен го?

Журналист: NAZARNEWS

26.03.2019, 5:48

27707

саясат

Акыркы кабарларга таянсак Оштун экс мэри М.Мырзакматов сүттөн ак, аны жөн гана жерден күнөөлөп, эч кандай коррупциялык ишке катышпаса дагы кылмыш ишин ойдон чыгарып токуп, жөн жерден эле эч жаман иш кылбаса деле кубалап жиберишкенин айтып Мелис мырза агынан жарылды.

Андан дагы Турциянын отелинен ажого жолугуп кала жаздап, бирок өзүнүн кадырын сактап жолукпаганын айткан.

Тактап айтсак Мелис Мырзакматовго 2014-жылы кылмыш иши козголуп, ал киши өлкөдөн чыгып кеткенине байланыштуу сыртынан 7 жылга өкүм чыгып сот жообуна тартылган. Бирок, курган киши ушул кезге чейин өзүн ак сезип, эч кандай кылмыш кылбаганын айтып жан үрөп келет. Кызык, эгер Мелис мырза ак болсо аны эмнеге соттошту болду экен? Айткандай эгер Мелис мырза өзүн аппак сезсе анда келип кылмыш козгогон сот кызматкерлери менен такташып алса болмок экен, ал жакта жатып алып эле “мен акмын” дей бербей дегендер да чыкты. Кыскасы кимисине ишенүү керек экенин билбей баш катты. Соттор күнөөлүбү же качып үргөн Мырзакматов күнөөлүбү азырынча бүдөмүк бойдон калууда.

Бердикожо Бийназаров, NazarNews.kg