Бүгүн 17-апрелде Бишкекте Гемофилия күнүнө карата талкуу уюштурулат. Анда бул дарт боюнча координациялык комитет түзүү маселеси каралат. Бул тууралуу Азаттык билдирди.

Талкууга Саламаттыкты сактоо министрлигинин, Эмгек жана социалдык өнүгүү министрлигинин өкүлдөрү, гемофилияны дарылаган доктурлар катышат.

Бейтаптарды дары-дармек менен камсыз кылуу, дартты аныктоо жана дарылоо, алдын алуу чаралары тууралуу кеңири сөз болот.

Гемофилия - кандын уюу процесси бузулушуна байланышкан оору. Ага чалдыккандардын саны Кыргызстанда 300 адамдын тегерегинде.

Буга чейин дары-дармекке мамлекеттен жетиштүү каражат бөлүнбөй жатканы айтылып келген. 

Булак: NazarNews.kg